Date: [25 April 2025]
Location: Dreaming IIT Bombay, Living with Vision
Aj ek baat clear ho gayi – life me sirf padhai se kuch nahi hota, agar tune logon se baat karna nahi seekha, apne liye ek strong network nahi banaya, toh tu bas ek aur IITian ban ke reh jayega… aur main waisa nahi banna chahta.
Mujhe woh banda banna hai jiske paas network ho, jiska har jagah connection ho, jiska phone uthate hi kaam ho jaye. Woh banda jo apne doston ke sath chill bhi kare, aur unke liye value bhi ho. Na ki koi “sigma male” banne ke chakkar me life ka asli flavour miss kar de.
Extrovert banna hai mujhe. Haan, main sabse baat karunga. Apna circle banauga. Log mujhe yaad rakhenge – attitude ke liye nahi, vibe ke liye. Aur entrepreneur banna hai bhai, toh connections ke bina kuch bhi nahi hoga. Jab koi bolega “Mujhe us bande ki zarurat hai jo kaam nikalwa de”, naam mera aana chahiye.
Mujhe IIT Bombay mil gaya – but that’s not the endgame, that’s the real beginning. Main us college ka sirf ek aur nerd nahi banunga. Main woh banda banunga jiske contacts IIT ke andar bhi honge, aur bahar bhi. Jo fest organize karega, pitch karega, stage pe bolega, crowd me chill karega. Akele nahi chalna mujhe, poora crew lekar aage badhna hai.
Aur haan, ladkiyon se baat karne me bhi koi sharam nahi hai. Tu pasand aayi? Seedha bolunga. Attraction natural hai. Life me regret nahi chahiye mujhe ki “Kaash bol diya hota.” Agar kisi ne bol diya ki “Usne mujhe propose kiya” – toh bol de, main proud se kahunga ki haan bola tha. Majak hi ban gaya toh kya? Kam se kam khud ke samne toh imaandaar rahunga.
Mera group IIT ka sabse gaand-faad group hoga. Har bande me fire hoga – ek roasting me pro, ek padhai me beast, ek gym freak, ek smooth talker. Sab kuch hoga – par ek cheez common hogi: vision. Hum sab log chill bhi karenge, grind bhi, aur sab se alag bhi dikhenge. Hum “seedhe” log nahi honge. Hum “smart” log honge – jinke peechhe duniya chalegi.
Mujhe woh life nahi chahiye jisme main bas ek aur IITian hoon – mujhe woh life chahiye jisme main IIT ka brand hoon.
---
No comments:
Post a Comment